الميكروباص

1-وقف هنا يا اسطى.
=لا أقف إلا عند الصيدلية.
1-هو النزول على مزاجك؟!,عايزةانزل هنا (لا يأبه لها)
يابني وقف البيت فات
(يقف أخيرا عند الصيدلية)
تنزل وهي تسب ونلعن
1-سواقين آخر زمن!
2-وراق يا أسطى؟
=اركب,والأجرة موحدة75قرش
2-ليه انا دايما باركبها بنص جنيه
=مش عاجبك انزل
(يركب باستخزاء)
2-براحتك يا عم ماحنا عبيد
(السيارة تتأرجح بهم بشكل مزعج ,فالطريق كله مطبات وسوستة السيارة خربانة)
4-بالراحة يااسطى هو انت محمل طوب؟!
(تقابله سيارة ميكروباص مهكعة)
5-فيه لجنة قدامك عند التوحيد والنور وبياخدوا العربيات
(يركن العربية على جنب)
ياللا يابهوات النزول هنا عشان اللجنة ,اعوضهالكم مرة تانية
طب والأجرة ؟
ياعم اللي عند ربنا مابيضعش,ياللا بس عشان اللجنة
(ينزلون متضجرين..ويبدأ السير في طريق جانبي خوفا من اللجنة)
يلحظ في مرآة السيارة اثنين شكلهما كالضباط يهتفان به
-وقف وقف
يسرع بالسيارة..يا خبر اسود ! طلعولي منين ولاد اللذين دول
-وقف وقف يااسطى
تاكسي تاكسي الحق العربية دي بسرعة ..اوعى يفلت منك
يسرع بسيارته أكثر وقد ملأه الرعب لوخدوا العربية هيروح في داهية ,اول طلعة بيها
اصطبحت بوش مين النهاردة؟!
يلحق به التاكسي على الطريق
=مابدهاش خش في الزراعة
التاكسي يقف
-خش وراه يااسطى وهنديك اللي انت عايزه
ينزل التاكسي في الزراعة
يمين
وراه يمين
شمال
وراه برضه
طلع على طريق مدق
وراه
طراخ ..تراااك..ديش
-الله يخرب بيتك كسرت العشةبتاعة الفراخ (باج باج بجاج)
التاكسي وراه
يطلع على طريق واسع شوية
يسبقه التاكسي ويعترض طريقه
تتسارع دقات قلبه
يكاد يصاب بذبحة
ذراعه الأيسر بدأيثقل عليه وينسحب الخدر إليه
ينزل الاثنين وغضب الدنيا يطل من عينيهما
-كدة برضه يااسطى
دا جزاءنا اننا ركبنا معاك
نسينا شنطة العيش في الكرسي الوراني!!